Visita explotación gandeira

Marta González e José González visitaron o pasado luns xunto a Argibay unha explotación gandeira na que tiveron ocasión de explicar as propostas dos populares.

• A visita tivo lugar na parroquia de Piñeiro, nunha explotación que destina os seus recursos ao leite ecolóxico.

• A candidata pola provincia da Coruña aproveitou para explicar que os Populares son o único valor seguro para as negociacións coa UE en canto á PAC e para dinamizar o rural cos mozos e mozas a través de incentivos fiscais.

Ames, 24 de abril de 2019

O pasado luns, o Conselleiro de Medio Rural, José González e a Vicesecretaria de Comunicación do Partido Popular e candidata ao Congreso pola provincia da Coruña, Marta González, visitaron xunto a Ramón García Argibay unha explotación gandeira na parroquia de Piñeiro.

Unha visita enmarcada no calendario electoral dos Populares no que, como ben afirmaba a súa candidata, a gandeiría terá un valor importante, sobre todo no referente á PAC (política agraria comunitaria), pola que mostran a súa prioridade nas negociacións coa Unión Europea, e así manter a estabilidade do sector.

Ademáis, fixo referencia aos incentivos fiscais para os mozos e mozas emprendedores que desexen instalarse nas zonas rurais e que teñan as mesmas vantaxes que o resto á hora de abrir un negocio nestas; tema que ligou coa intención de impulsar un Programa de Extensión de Banda Ancha e o Plan 300x100 para a conectividade total con alta velocidade en todos os núcleos de poboación da España Rural. Un tema no que se interesaba o propio Argibay, poñendo de manifesto o feito de que servise para dinamizar o rural amesá, posto que cada día son máis as persoas que elixen o Concello para instalar a súa vivenda e formar unha familia.

Pola súa banda, o Conselleiro aproveitou a ocasión para interesarse pola actividade gandeira de Ames, na que salientou que as intalacións visitadas estivesen destinadas ao leite ecolóxico, un feito que está ligado directamente coa promoción que dende a Xunta de Galicia pretenden levar a cabo para destacar a calidade do leite galego.