Tan só 50 veciños de Ames presentaron recurso dentro do prazo regulamentario contra as liquidacións do IBI 2020

Tan só 50 veciños de Ames presentaron recurso dentro do prazo regulamentario contra as liquidacións do IBI 2020

• Afectan a un total de 68 liquidacións e o importe estimado ao que ascenden as liquidacións recorridas en prazo é de 24.095,64 €, reafirmando o escurantismo e a mala praxe dos socialista denunciadas polo PP de Ames.
• Mediante dilixencia de ordenación da Administración de Xustiza, do 13 de maio de 2021, xa se notificou as partes a declaración de firmeza da sentenza de 10 de febreiro de 2021.
• Partido Popular, a medida que vaia tendo a información, trasladará a veciñanza todas as cuestións relacionadas para poder recorrer, quen así o considere, a liquidación do IBI do 2021.

 Ames, a 25 de maio de 2021

O Grupo Municipal de Ames tivo coñecemento de que 50 veciños presentaron recursos no prazo regulamentado contra a liquidación do importo de bens inmobles pertencentes ao ano 2020. Outro número aínda non concretado pola administración local, de recursos e reclamacións, foron presentados fora de prazo, polo que xa non se deu opción e non se entrou no fondo da cuestión desestimándose directamente.

Os recursos presentados con posibilidade de ser estimados son un total de 68, xa que algúns contribuíntes mediante o mesmo recurso presentaron reclamación a varias liquidacións por ser, probablemente, titular de máis de un inmoble. Este reducido número de veciños son os únicos que poderían, no suposto caso de que se estimen os seus recursos, recuperar o importe dos cartos indebidamente liquidado pola recadación do IBI correspondente ao ano 2020.

Esta situación indica as claras o que se denunciou dende o Partido Popular de Ames en reiteradas ocasións, o escurantismo e a mala praxe dun goberno socialista que, de forma deliberada, non informou a veciñanza dos prazos (un mes dende o día seguinte a finalización do período de exposición pública do padrón fiscal 2020) utilizando todas as “argucias” legais para evitar que a inmensa maioría da poboación tivera algunha opción de presentar recurso e así evitar o sobrecargo do 13% indebidamente cobrado no recibo do IBI, tal e como reflicte a sentenza, agora firme.

Ao respecto da declaración da firmeza da sentencia do TSXG do 10 de febreiro do 2021, precisamente mediante dilixencia de ordenación da Administración de Xustiza de 14 de maio de 2021, está notificada as partes.

Con esta información na mesa, volvese a confirmar a postura do Goberno Socialista de Ames de non executar a nulidade dun acordo anulado polo Tribunal Superior de Xustiza de Galicia que implicaría non recadar o 13% deste imposto, importe que roldaría os 800.000 euros e cobrado indebidamente segundo a sentenza do Tribunal e que os socialistas manteñen para o ano 2021.

Dende o Partido Popular de Ames, a partir da información da que se vai dispoñendo, informarase a toda a veciñanza de todas as cuestión relacionadas co IBI do ano 2021.