Dende o Partido Popular e Pacto por Ames, lévase advertindo dende hai máis de seis meses da situación esperpéntica na que o máximo responsable da seguridade de Ames, o Alcalde socialista José Miñones, está sumindo ao concello.
Se durante estes seis meses o goberno tripartito estivo enrocado e negándose a dialogar coa Policía Local, agora decide contratar para o mes de decembro a cinco Auxiliares de Policía Local que están a tempo completo na oficina e non saen á rúa.
A contratacióndos Auxiliares de Policía Local terán un custe de máis de 13.500 €para o concello e ata o de agora,non saíron a rúa nin un só día, limitándose a estar na oficina que o concello dispón en Bertamiráns.
Estes cinco efectivos, os cales non teñen ningunha responsabilidade ao respecto, xa que fan o que lle encomendan, non fan nin patrullas nin ningunha outra función no exterior, polo que os danos colaterais no departamento de urbanismo seguen aumentando progresivamente, coas graves consecuencias para a atención dos administrados con innumerables cuestións pendentes e paradas. A desidia e a improvisación do goberno tripartito chega a tal punto que deciden comprar a roupa para equipar a estas cinco persoas, por valor de 6.500€ e téñena que devolver porque non é a axeitada ao incumprir co estipulado na normativa.
Por se insto non abondara, os informes técnicos xustifican o seguinte:
“Necesidades de aumentar a plantilla de policía na época invernal, na que son continuas as demandas de intervencións policiais polas inclemencias climatolóxicas, que nos atopamos en plena época escolar na que os efectivos de policía teñen que vixiar as entradas/saídas dos centros, que o Concello ten dous centros urbanos claramente diferenciados coa problemática que ilo ocasiona en canto a medios persoais e que un gran número de efectivos da plantilla da policía está estes momentos de baixa laboral, o que impide a maior parte dos días realizar a queda habitual de 24 horas.”
Ante esta xustificación para a contratación dos Auxiliaresde Policía,queda claro que o Alcalde de Ames, José Miñones, actúa sen criterio, improvisando e de cara a galería sen importarlle o máis mínimo a seguridade,a proba é patente, a falta de un día para rematar os colexios, os Auxiliares non pisaron a rúa nin realizaron ningunha actuación nin nos centros escolares nin nos incidentes que provocaron as inclemencias climatolóxicas. En definitiva unha improvisación para intentar lavar a imaxe do alcalde socialista que pagan as persoas que viven en Ames.
Dende a oposición, tanto o Partido Popular como Pacto por Ames, levan presentando innumerables iniciativas encamiñadas a dar solución a esta situación, atopando sempre a negativa e a nula receptividade dun goberno tripartito que ao único que se adica é a impedilas e bloquealas, así como botarlle a culpa aos demais.A última foi a negativa de PSOE-PODEMOS-BNG a iniciar os trámites para que Ames conte con Policía Nacional ante os efectivos, máis que limitados, que debería ter o concello en canto a disposición de Forzas e Corpos de Seguridade.