O PP de Ames pide o arranxo dun colector que desprende aguas fecais ó paseo de Bertamiráns e mesmo ó rio Sar

As localidades que teñen a sorte de estar bañadas polas augas do mar ou dun río intentan aproveitar as potencialidades que lle da ese privilexio. Pero non son todos os pobos os que apostan por paseos fluviais ou marítimos, polo coidado da fauna e da flora amosando a súa sensibilidade co medio ambiente ou por rutas para andainas que beneficien a saúde dos veciños e mesmo a sociabilidade entre eles ou un lugar ideal ó que poder recorrer para sacar a pasear ás mascotas. Ames non. Ames é diferente.

O PP de Ames está farto de reclamar arranxos no paseo fluvial de Bertamiráns, que en moitas ocasións semella máis ser unha selva que un lugar ideal para o ocio. As deficiencias nas luminarias ou o abandono da vexetación súmanse a outros atrancos que non son atendidos polo goberno municipal.

Nesta ocasión o PP de Ames ven de presentar un escrito, que aporta tamén unha fotografía do lugar afectado, solicitando o arranxo da avaría dun colector de augas fecais que desprende auga ó exterior do paseo e mesmo ó río Sar. Oliva Agra e os seus compañeiros do PP na Corporación están moi sensibilizados co paseo fluvial de Bertamiráns e non deixarán de insistir unha e outra vez para que este en todo momento en boas condicións aínda que a resposta do goberno municipal sexa a desidia e o abandono.

O paso do río por Bertamiráns é unha gran oportunidade para ofrecer un lugar de ocio unido á natureza ós preto de dez mil habitantes desta localidade. E os veciños ven como en vez de realizar melloras cada vez sofre un abandono máis notable. O PP de Ames seguirá nesta loita aínda que sabendo que esta loita é como unha historia que nunca remata.