O alcalde de Ames sabía dende o ano 2017 que a liña de Ortoño deixaría de funcionar en decembro do 2020. Esta liña era froito dun convenio, con data de caducidade, que tiñan Santiago e Ames.

• O plan Edusi, dotado con 6.250.000 euros de fondos europeos, aprobado por unanimidade plenaria, xa contaba cun investimento de 912.000 € para a “Mellora integral da mobilidade e conectividade por transporte público”, está sen executar.

• A restitución inmediata da liña de Ortoño pasa pola firma dun novo convenio entre Santiago e Ames que dende a Xunta de Galicia aprobarían coa máxima dilixencia e coa posta en marcha do “Plan de Mobilidade Urbana” que sofre un retraso de máis de 3 anos.

Ames, 10 de xaneiro de 2021.

Como ven sendo habitual, o Alcalde socialista de Ames ven de utilizar o xogo que mellor practica, o do trile, nun asunto de vital importancia para a veciñanza do rural como é a supresión da liña de Ortoño que deixa sen servizo a máis de 1.600 persoas de Fraíz, A Moniña, Costoia, Framil, Quistiláns, Barreiro, Outeiro, Maguxe, Mourigade, Buceleiras, Guimaráns, O Santo y Ortoñiño.

O rexedor socialista é o único responsable desta situación porque xa tiña coñecemento dende o ano 2017 que sería suprimida en decembro de 2020, data na que o concello de Santiago daría por finalizado o conveno que posibilitaba esta liña.

A indolencia do goberno de Ames provocou esta situación a pesar de que o pleno da corporación, por unanimidade, aprobara o Plan Edusi, un programa dotado con 6.250.000 euros do Fondo Europeo de Desenvolvemento Rural que na súa partida “OT4 OES1 OOP1.3/OOP2.2” contempla especificamente 912.000 euros para o “Programa de mellora integral da mobilidade e a conectividade por transporte público” que está sen executar.

O rexedor socialista coñecía (o contrario sería lamentable) que o Transporte Metropolitano no podía cubrir esta liña porque as diversas regulamentacións que hai ao respecto impídeno, e intenta venderlle a veciñanza que a culpa é doutros con tan de non asumir a súa irresponsabilidade e a súa desidia co rural, cousa que non é nada novo. O Rexedor, entre outras cousas, sabe que outros concellos da área metropolitana teñen convenios con Santiago de Compostela para situacións similares ao caso da liña de Ortoño.

O rexedor é coñecedor desta e doutras casuísticas que competen ao transporte entre diversos concellos e por iso, no PLAN EDUSI, dotado con Fondos Europeos por valor de 6.250.000 euros e aprobado por unanimidade plenaria, hai unha partida de 912.000 euros que segue sen executar e que sen dúbida, resolvería este e outros problemas relacionados co transporte en Ames.

A realidade é que a desidia do rexedor e a súa falta de xestión está provocando esta situación, a proba definitiva é o dato obxectivo da publicación tardía, do 7 de agosto pasado, na “Plataforma de Contratación del Sector Público” referente a licitación do “Servicio de redacción do “Plan de Mobilidad urbana sostenible del Ayuntamiento de Ames” por un importe de 74.380,00 €. Esta licitación tería que estar realizada fai máis de 3 anos, non hai que esquecer que o tripartito xa leva no goberno de Ames seis anos.

En definitiva, o problema da liña de Ortoño e demais situacións similares relacionadas co transporte da zona rural de Ames, pasa pola implantación deste Plan de Mobilidade Urbana que figura no EDUSI, aprobado por unanimidade plenaria, e que leva un retraso inaceptable.