Inundacións na urbanización da Telleira

A desidia do Alcalde de Ames e do goberno tripartito fixo desta madrugada un pesadelo para a veciñanza polas inundacións na urbanización da Telleira de Bertamiráns ante a falta de mantemento na rede de pluviais e dos canais.

• Os canais da zona totalmente tupidos e o abandono do criadeiro de troitas, provocaron que a auga non tivera saída e retornara cara as vivendas. Facía 12 anos que non se inundaba esta zona.

• A indignación da veciñanza foi a máis ao comprobar que as dez da mañá, os operarios enviados polo concelleiro de obras Blás García, apurábanse a limpar os canais, tarefa que debería estar feita fai meses.

Ames 10 de novembro de 2018

O acontecido esta madrugada na urbanización da Telleira de Bertamiráns, na que preto de unha ducia de vivendas foron anegadas pola auga, é consecuencia directa da falta de limpeza dos canais e colectores de recollida de pluviais da zona, unha carencia que está motivada pola desidia do alcalde socialista de Ames que, apesares das diversas iniciativas presentadas dende a oposición, negouse a atender.

A zona da Telleira está rodeada de varios canais e colectores que se encargan de recoller a auga, a súa falta de limpeza provocou, por un lado o desbordamento de algúns deles e por outra, e debido a sedimentación de materiais, a diminución da capacidade de recollida de auga.

Así acontece co canal de cría de troitas que está a uns poucos metros da urbanización e que, tal e como se pode ver nas fotografías que achegamos, está totalmente atascado debido a desidia do concelleiro socialista de obras que en case catros anos de goberno deixou arruinar esa zona, practicamente inservible para cría de alevíns e seriamente deteriorado para a súa función de recollida de augas, o que contribuíu de forma definitiva as inundacións das vivendas por estar totalmente tupido por ramas, follas, area e lodos. Esta cuestión provoca que o depósito de area, lodos e outras substancias, tapen o leito provocando un tapón e como consecuencia lóxica, o retorno da auga de volta a zona das casas.

Por outra banda, o canal que recolle as augas que proceden da zona do antigo campo de fútbol da telleira e do campo da festa da Peregrina, situado na parte máis alta da urbanización, e que se encarga da recollida da auga para evitar que penetre na urbanización, estaba totalmente tupido, si a isto sumamos o retorno das augas dos canais das troitas, a explicación do porqué se inundou a zona despois de 12 anos, parece evidente.

A indignación da veciñanza foi en aumento cando observaron que ao redor das 10 da mañá, operarios enviados polo concelleiro de obras, o socialista Blas García, apareceron para limpar algunha das zonas que provocaron a inundación, sendo o comentario máis frecuente o de “isto teríano que facer hai meses”.

A política baseada na publicidade e propaganda e a carencia de xestión teñen estas consecuencias.