Idioma da páxina web do Concello de Ames

O Partido Popular de Ames rexistra un escrito para instar ao Alcalde Socialista de Ames a que a Web Oficial do Concello estea tamén en Castelán ao igual que a futura plataforma da Administración Electrónica

• O alcalde José Miñones, auspicia o incumprimento da normativa autorizando a implantación da nova Web Oficial, que xa está en funcionamento, soamente el Galego

• Omitir a versión en castelán na futura plataforma da Administración Electrónica, financiada con fondos europeos,
  podería ocasionar a perda da subvención.

Ames, 9 de agosto de 2019

A obxectividade e a neutralidade, así como a imparcialidade, é un complemento necesario e imprescindible do deber das administracións  públicas ao que se refire o artigo 103.1 da Constitución.

O Goberno Socialista de Ames non serve aos intereses comúns e xerais de todas as persoas que viven en Ames, ou teñen diferentes intereses no noso municipio, e impón a publicación de todos os contidos que se publican na Web Municipal soamente en Galego, omitindo o idioma Castelán de forma deliberada. A pesares de que o Goberno Socialista sabe perfectamente que unha parte importante das persoas que viven en Ames, ou que se relacionan ca nosa administración local, teñen dificultades para entender o Galego, o Alcalde José Miñones autorizou a
publicación da nova web soamente en galego, o que demostra a pouca sensibilidade coas numerosas persoas que, por diversas razón teñen dificultades co galego, ou simplemente, prefiren o castelán como forma de relacionarse coa administración pública.

Ante esta situación, e tendo en conta que recentemente foi adxudicado o contrato para o deseño e implantación da Administración Electrónica e co fin de que se cumpra o dereito de todos os cidadáns a relacionarse coas administracións en calquera dos idiomas oficiais da  nosa Comunidade Autónoma, o Grupo Municipal Popular presentou por rexistro de entrada unha solicitude que se resume en dou puntos:

1º. Que se proceda a realizar os cambios oportunos na Web Municipal para garantir o dereito de todos os cidadáns e veciños que o desexen de acceder á información pública, arquivos e rexistros de acordo co previsto la Ley 19/2013.

2º. Que a implantación da futura Administración Electrónica se realice de tal forma que se garanta, de acordo co artigo 13 da Ley 39/2015, no dereito das persoas na súa relación coa Administración Local, a utilizar calquera das dúas linguas oficiais da nosa Comunidade Autónoma.

O Partido Popular tamén recorda a Miñones que, o deseño e implantación da administración electrónicas é una das actuacións importantes recollidas no Programa Operativo de Crecemento Sostible 2014-2020 financiada ao 80% con Fondos Europeos, polo que é preciso ter a certeza de que eses fondos non corren risco de perda, na parte correspondente a dita actuación, pola omisión do castelán na futura plataforma dixital que facilitará a interoperatividade co resto das Administracións Públicas, polo tanto, outro motivo para non ignorar o castelán, lingua oficial da UE.