O goberno socialista de Ames volve a suspender a execución do proxecto de mellora da Eficiencia Enerxética da iluminación pública do Milladoiro

• Foi aprobado en sesión plenaria de febreiro de 2017 e acumula un retraso de case catro anos.
•  A ineficacia do tripartito chega a tal punto que ata a Deputación da Coruña esixe outra rectificación e terá que volver ao pleno de Ames o 26 de novembro.

Ames, a 20 de noviembre de 2020

O culebrón da execución do proxecto de mellora da Eficiencia Enerxética da iluminación pública no Milladoiro continúa, terá que volver ao pleno da corporación de Ames o vindeiro 26 de novembro acumulando case catro anos de retraso. O acordo de suspender a execución do contrato de subministro, instalación e montaxe dos elementos descritos no proxecto tomouse na pasada Xunta de Goberno Local do 23 de outubro e ven motivado por razóns que xa adiantara o Grupo Municipal Popular, a necesidade de obter autorización da Deputación Provincial de A Coruña.

Esta cuestión ratifica o que dende o Grupo Municipal Popular se ven advertindo dende hai tempo, a falta de planificación e a improvisación dun goberno tripartito carente de actitude a pesar de contar con máis dedicacións exclusivas que nunca. Unha decisión que obriga a solicitar da Deputación de A Coruña unha nova prórroga no prazo de execución, xa que a anterior remata o 30 de novembro do presente ano.

Pero se isto no abondara, a autorización da Deputación Provincial terá que pospoñerse aínda máis tempo porque o proxecto, recentemente modificado, tivo que ser corrixido unha vez máis, precisamente pola esixencia do Ente Provincial ante os erros materiais de valoración e medición, así mesmo, tamén foi preciso incorporar unha nova planimetría máis clara e comprensible, incorporando planos unifilares, planos de detalle e planos acotados.

O modificado do proxecto é do 8 de novembro de 2020 e a súa aprobación realizarase na próxima sesión plenaria do 26 de novembro e como consecuencia, a aprobación da Deputación de A Coruña tamén sufrirá outra demora. Sendo optimistas, unhas actuacións que foron aprobadas no pleno de febreiro de 2017, non estarán rematadas antes do primeiro trimestre do ano 2021, e dicir, catro anos despois, todo unha demostración negativa de eficacia e xestión do goberno tripartito.