Débeda Ames

O goberno tripartito, a decembro de 2018, debe aos provedores 2.091.186,76€, exactamente 570.530,23€ máis que no ano 2011 cando tamén gobernaban os socialistas do que tamén era concelleiro o actual alcalde José Miñones.

• Os socialistas son expertos na creación de débeda e en impagados, así o reflicte a web oficial do Ministerio de Facenda demostración de que leva no seu ADN a nefasta xestión económica.

• A débeda prevista nos novos orzamentos sube ata un 83%, pasando de 491.843€ en xaneiro de 2018 a 3.000.000€ ao final do exercizo do 2019 segundo recoñecen nos seus propios orzamentos.

Ames, 29 de marzo de 2019

Bastáronlle catro anos ao goberno cuatripartito do socialista José Miñones para dilapidar os bos datos económicos herdados da xestión do Partido Popular. Os datos son demoledores, así o reflicte a páxina web oficial do Ministerio de Facenda con datos definitivos e pechados a 31 de decembre de 2018 e que marcan un novo récord histórico en Ames acumulando unha débeda a provedores de case 2.100.000 €.

Se deixar de pagar aos provedores é grave e totalmente reprobable porque pon en perigo a subsistencia de autónomos e pequenas empresas, esta cuestión sumada a débeda prevista para o final do ano 2019, fai que a situación do concello se sitúe a nivel do ano 2011.

Os datos son claros, o orzamento aprobado polo cuatripartito para o ano 2019 contempla unha débeda que se increméntase nun 83% pasando do 491.843€ a principios do ano 2018 a case 3.000.000€, isto foi o que aprobaron PSOE, AN, BNG e CP.

Esta situación é moi similar ao acontecido no ano 2011 cando o Partido Popular gañou as eleccións con maioría absoluta e encontrándose un concello que non pagaba a provedes motivo polo que o goberno Popular tivo que recorrer a un crédito de 1.520.656,53€ para facer fronte a 577 facturas pendentes de pago.

Aquela operación bancaria fora avalada polo Plan de Axuste Municipal aprobado en solitario polo Partido Popular a partir do contemplado no Real Decreto-Lei 4/2012 de 14 de febreiro, polo que se determinan obrigacións de información e procedementos necesarios para establecer un mecanismo de financiamento para o pagamento aos provedores das entidades locais, todo elo como consecuencia dunha crisis provocada polos gobernos socialistas.

Unha vez máis queda demostrado que o Partido Popular sanea as contas para que os alcaldes socialistas, coa complicidade e convivencia de nacionalistas e da esquerda máis radical, gasten sen criterio e como consecuencia, volvan a poñer en perigo a estabilidade financeira de Ames, aplicando aquela máxima de que “el dinero público no es de nadie” acuñada pola ministra socialista Carmen Calvo.