Outra sentenza do Xulgado do Contencioso Administrativo nº 2 de Santiago obriga á devolución de avais, xunto con xuros e imposición de costas, pola nefasta xestión socialista na urbanización PM5-03 do Milladoiro.

•  De novo ocultan sentencias desfavorables ante unha decisión xudicial onerosa para Ames onde tan só en intereses abonáronse 10.079,93 €.
• O goberno máis caro da historia de Ames e con máis dedicacións exclusivas, ten unha carencia de xestión impropia de quen debe xestionar os recursos dun concello da magnitude de Ames.

Ames, 16 de decembre 2020

Tradicionalmente os gobernos socialistas de Ames non brillan pola súa capacidade de xestión, máis ben todo o contrario, e este tripartito non é unha excepción, ademais de ser ineficaces, intentan ocultar a realidade e “agochan” as sentencias que non son favorables.

Hai que remontarse 15 anos atrás cando xurdiron as deficiencias na urbanización situada no Milladoiro denominada PM5-03, que conta con 200 vivendas, emprazadas entre as rúas Figueiras e da Moa e entre a Avenida de Rosalía de Castro e a Rua Costa Grande. Deficiencias que apareceron no momento que a empresa promotora solicitou no ano 2005 a recepción dunhas obras que non foran executadas segundo o establecido no proxecto e polo que se requiriu a empresa a emendalas.

A pesares de que a empresa executou determinadas obras, continuaron sen adaptarse ao proxecto, polo que o Concello decidiu incautar os avais por valor de 530.000 €, tal e como anunciara o goberno local na Web municipal.

Senllos informes técnicos de 2006 e 2009 puxeran de manifesto as deficiencias na execución do proxecto de cara a recepción das obras pola parte da Administración Local, e a principios de 2011, cun goberno tamén socialista, presentouse un proxecto de reparación cun importe de 29.928,01€.

Como se denunciara daquela polo PP de Ames, o proxecto era insuficiente para emendar todas as deficiencias e foi preciso esperar ata setembro de 2017 para que o Pleno da Corporación aprobase un novo proxecto que se adxudicou en maio de 2018 por 231.665,93€. Neste momento o goberno segue falando da incautación de avais, pero agora, por un valor de 356.818,30€.

Dáse a circunstancia que o goberno tripartito en ningún momento informa de que nesas datas xa se estaba coñecendo no Xulgado do Contencioso Administrativo nº 2 de Santiago o recurso contencioso-administrativo seguido polo procedemento ordinario nº 125/17 que remataría con sentenza 24 de abril de 2019, pola que se condena ao Concello de Ames á devolución dos importes indebidamente ingresados na execución dos avais, xunto cos intereses derivados ata a súa efectiva devolución, impoñendo tamén as costas.

O recurso de Apelación é desestimado polo Tribunal Superior de Xustiza de Galicia confirmando a sentenza do Contencioso Administrativo de Santiago de Compostela e procedendo a imposición de costas ao Concello de Ames.

O Goberno de Ames, unha vez máis, ocultou esta cuestión e dende a oposición tívose coñecemento a raíz da aprobación do pasado pleno ordinario de Novembro do suplemento de crédito 3/2020 por un valor superior ao millón cen mil euros, importe financiado con cargo ao Remanente e Tesouraría.  Neste suplemento recóllese un total de 87.719,84 € para facer fronte ao importe de execución desta obra pola devolución dos avais incautados en virtude da sentencia ditada xunto coa partida de 10.079, 37 € en concepto de intereses derivados dos avais incautados.

Unha situación que mostra á deriva dun goberno tripartito, que conta con máis dedicacións exclusivas e cos salarios máis altos da historia, incapaz de xestionar un concello da entidade de Ames. Un goberno que decide que asuntos son susceptibles de publicar en función de si é favorable ou non aos seus intereses intentando agochar as súas carencias, todo un “alarde” de transparencia.