Aumentan un 20% os roubos con forza

Aumentan un 20% os roubos con forza nos domicilios de Ames durante o primeiro trimestre

• O Tripartito evita recomendar a APP “AlertCops”. Unha aplicación móbil que permite un enlace directo cos axentes no suposto de que se produza un roubo ou atraco

• Os últimos datos falan dun incremento dos roubos con violencia e intimidación e os furtos dun 100% e un 12,5% respectivamente

• Na Xunta Local de Seguridade fíxose balance do exercicio 2018, pero non transcendeu ningunha valoración do incremento do 20% dos roubos con forza en domicilios durante o primeiro trimestre deste ano nin plan algún de prevención de cara ao verán

Ames, 10 de xullo de 2019

O Concello de Ames comezaba o pasado ano 2018 cun repunte no número de roubosen diferentes vivendas do municipio. Roubos con forza que se incrementaban un 25% respecto ao mesmo período do ano 2017, o que provocou que dende diferentes colectivos se propuxeran medidas para previr estes delitos. Por este motivo, solicitouse maior presencia e vixilancia policial, mellor iluminación nocturna e ata a instalación de cámaras de seguridade nalgunhas zonas.Incluso, a veciñanza de Aldea Nova trataron nunha a asemblea a necesidade de contratar seguridade privada.

Parte das solicitudes veciñais foron abordadas na Xunta Local de Seguridade que se celebrou a principios de ano.Da reunión apenas transcendeu a información de que as forzas de seguridade continuarían cos dispositivos especiais de vixilancia, o que poñía de manifesto a situación no termo municipal.

Iniciado o exercicio 2019, a situación volve a repetirse. Os roubos con forza incrementáronse un 20% no primeiro trimestrerespecto ao ano anterior. Incluso os roubos con violencia e intimidación e os furtos incrementáronse un 100% e un 12,5% respectivamente.Tan só diminuíron os roubos noutro tipo de establecementos e instalacións (-7,7%). A pesar deste novo repunte, este tipo de delito, que xera gran sensación de inseguridade na veciñanza, non parece ter sido unha prioridade para o Tripartito na derradeira reunión á vista da nula información que transcendeu.

Segundo a información proporcionada, na reunión do pasado 9 de abril, analizouse o exercicio 2018 e púxose en comparación coas cifras do 2017. Tamén se trataron outros aspectos relacionados coa violencia de xéneroe coa difusión da APP “AlertCops”,unha aplicación recomendada pola Policía Nacional e Garda Civil, que permite un enlace directo cos axentes en diferentes supostos de roubos, atracos, vandalismo, etc.Unha APP que cuxa difusión foi recomendada na reunión, pois permite unha conectividade directa, facilitándose a labor dos axentes; e en cuxa difusión o Tripartito de Ames non fixo nin o máis mínimo esforzo, nun afán por tapar a súa inacción, xa que non se levou a cabo ningunha campaña nin están pola labor de previr os roubos que, a xulgar polos datos, aumentarán este verán.