Adxudicacións -a dedo

O tripartito adxudicou a dedo o 83% dos contratos menores realizados no ano 2018 e tan só 36 foron licitados a tres ou máis empresas, entidades ou persoas.

• O BNG e o Alcalde Socialista de Ames ocupan o primeiro e o segundo posto neste ránking de opacidade co 73,2% dos contratos adxudicados a dedo, a unha soa empresa, entidade ou persoa.

Ames, 11 de xaneiro de 2019

Unha vez rematado o ano 2018, o Grupo Municipal Popular, a partir dos datos publicados polo propio concello, fai balance dos contratos menores realizados durante o pasado ano e o resultado presenta unha lectura que deixa en moi mal lugar ao tripartito de cara a promover a libre concorrencia, competitividade e transparencia.

Case o 83% (exactamente o 82,72%) dos contratos menores foron adxudicados a unha soa empresa, entidade ou persoa, contradicindo unha vez máis aquela premisa de fai case catro anos cando alardeaban de que este sería un dos principais obxectivos para o tripartito, agora, co paso do tempo, queda en evidencia.

Este dato obxectivo, que non ten discusión algunha, mostra cuestións tan relevantes como que as Concellerías que rexenta o BNG e as que son responsabilidade directa do Alcalde José Miñones, son as máis opacas e son as que teñen o récord de contratación a dedo.

Detállanse a continuación:

CONCELLERÍAS DO BNG:

• Cultura e Educación:

Dos 140.927,03 € pertencentes a contratos menores da Concellería de Educación, o 90,6% foi concedido a dedo a unha soa empresa, entidade ou persoa.

• Comunicación e Normalización Lingüística:

Nesta concellería o 100% do importe foi concedido a dedo a un só licitador.

ALCALDÍA

• José Miñones do PSdeG-PSOE:

Pola súa banda, o resto das Concellerías acumulan os 36 contratos restantes, sendo a súa actividade a través de contratos menores menos intensa e algo máis repartida. Un exemplo é o do Departamento de Urbanismo, Obras e Servizos básicos que tan só realizou 18 contratos, pero cun reparto máis equitativo, xa que dos 18 contratos, 3 foron a un só licitador, 2 foron a dous licitadores e o resto a tres ou máis licitadores.