Os Socialistas incumpren de novo a Regra de Gasto

A xestión dos Socialistas en Ames comeza a pasar factura á veciñanza, no 2018 subiron a presión fiscal nun 12,31%, aumentaron o gasto corrente en 213.413,07 € e incumpriron a Regra de Gasto en -890.577,04 €

• O concello está obrigado a elaborar un Plan Económico financeiro por imperativo legal do artigo 24 da Lei Orgánica de Estabilidade Orzamentaria e Sustentabilidade Financeira

• Os plans Económicos Financeiros e de Reequilibrio, terán que estar presentados nun prazo máximo dun mes

• O Concello podería perder algunha achega doutras administracións por incumprir a Regra de Gasto. Esta situación é a punta do Iceberg da situación real municipal

Ames, 12 de decembro de 2019

O goberno socialista, que conta cos salarios máis altos e con máis dedicacións exclusivas da historia de Ames, incumpren a Regra de Gasto en -890.577,04 euros, subiron a carga impositiva á veciñanza de Ames nun 12,31 recadando 921.158 euros máis no ano 2018, sendo incapaces de ofrecer máis e mellores servizos, así se desprende do informe confeccionado polo departamento de intervención con motivo da presentación da Conta Xeral en documento firmado o 14 de outubro de 2019.

Bastaron pouco máis de 4 anos para que o concello comece a incumprir as regras de estabilidade orzamentaria fixadas pola Lei Orgánica de Estabilidade Orzamentaria e Sustentabilidade Financeira despois de que o Partido Popular deixara un concello con magnitudes económicas espectaculares e cumprindo todos os preceptos legais.

A deficiente xestión socialista comeza a notarse paulatinamente no Concello de Ames a medida que se van coñecendo os datos a través dos distintos procesos administrativos, lentos pero irrefutables, están demostrando o que o Partido Popular levaba advertindo meses, tanto na campaña electoral como nos distintos Plenos Municipais.

Para paliar esta deficiente situación, o Goberno Socialista terá que confeccionar os plans económico-financeiros e os plans de reequilibrio que terán que ser presentados, no prazo máximo dun mes desde que se constate o incumprimento. Estes plans deberán ser aprobados polo Pleno da Corporación no prazo máximo de dous meses desde a súa presentación e a súa posta en marcha non poderá exceder de tres meses desde a constatación do incumprimento o plan será remitido á correspondente Comunidade Autónoma, a cal será a responsable da súa aprobación e seguimento. A Comunidade Autónoma deberá remitir información ao Ministerio de Facenda e Administracións Públicas dos devanditos plans e dos resultados do seguimento que efectúe sobre os mesmos.

Os plans económico-financeiros elaborados polas Corporacións Locais deberán estar aprobados polo Pleno da Corporación.

A consecuencia inmediata desta ineficaz xestión terán unha dobre consecuencia, por un lado podería desembocar na perda de achegas e subvencións de outras administracións públicas como por exemplo o Estado, a Comunidade Autónoma ou a Deputación, e polo outro nun retroceso nos servizos, tal e como está acontecendo cos Servizos de Conciliación e Comedores escolares.

Por último, dende o Partido Popular considérase que esta situación tan só é a punta do Iceberg, e que nos vindeiros meses terá máis consecuencias negativas.