18.000€ nunha retroexcavadora que non ten maquinista

O goberno gasta 18.000 € nunha retroexcavadora que nunca se utilizou porque non hai maquinista para manexala.

• Fai un ano deixaron a Agrón sen 12.000€  do que eles chaman “Orzamentos Participativos” coa desculpa de comprar esta máquina que agora oxídase nun local municipal porque nunca se utilizou ao carecer de operario cualificado.

 Ames 30 de outubro de 2018

Sen policía no concello dende hai máis de 5 meses, sete modificación da Relación de Postos de Traballo en pouco máis de un ano, record en denuncias no xulgado do social, porcentaxe de investimentos máis baixos nos últimos 10 anos, nin un só servizo municipalizado, aumento do prezo da auga sen precedentes, incremento da recadación por impostos entre outras eivas, e agora gastan nunha retroexcavadora de segunda man de 18.000 € que nunca funcionou e que leva parada un ano porque non hai persoal cualificado para manexala.

Unha retroexcavadora que o concelleiro socialista, Blas García decide comprar aínda sabendo que non tiña persoal cualificado para manexala. Unha decisión que xa fora advertida por Ramón Gª Argibay e, a pesar de todo, o alcalde socialista José Miñones autorizou a compra sabendo que non había operario para manexala nin o seu posto figura na Relación de Postos de Traballo, que a pesar de levar xa sete modificacións en pouco máis de un ano, non está incluído este posto, unha clara mostra máis da improvisación.

Este é o modelo de xestión dun goberno tripartito esgotado dende hai meses, que non ten rumbo e que actúa soamente para a galería, un tripartito ao que soamente lle importa é a imaxe o que provoca que cando se profunda un pouco queda nun simple farol.

Esta foi a nova publicada hai un ano na páxina web oficial do concello :

“Adquisición dunha retroescavadora de segunda man”
A cada parroquia correspóndenlle 12.000€… . Da parroquia de Agrón non se presentou proposta algunha, polo que os 12.000 euros que lle correspondían a este parroquia dedicaranse a adquisición dunha retroescavadora de segunda man para realizar traballos de arranxo de pistas e cunetas polo rural amesán.

Esta proposta foi presentada polo goberno municipal, xa que redunda no beneficio de toda a veciñanza amesá, como alternativa para poder empregar os 12.000 euros sobrantes que ían ser dedicados á parroquia de Agrón.

Un ano despois o resultado non pode ser máis negativo, gastáronse máis de 12.000 € nunha máquina de segunda man, privando á parroquia de Agrón dun pequeno investimento, e agora está parada nun depósito municipal onde perde valor cada día que pasa.

Unha nova que foi ratificada por decreto 2017/g003/001479 firmado polo alcalde socialista José Miñones o 27 de decembro do pasado ano que se reflicte a continuación.